Datum: 20-07-2019 - 09:30

Column Egbert vd Weide: Bloemechies buut’n'.

Blik Op Noordwijkerhout heeft een vast item toegevoegd aan de nieuwswebsite van, voor en over Noordwijkerhout en De Zilk. De redactie heeft dominee Egbert van der Weide bereid gevonden om zijn wekelijkse column ook beschikbaar te stellen voor op BON. Iedere week...

zal op woensdagmorgen zijn nieuwe column hier op BON te lezen zijn, wij wensen u veel leesplezier. Alle columns worden verzameld en zijn terug te lezen zijn via "uitgelicht" aan de linkerkant van het scherm of klik hier.

Column 09-03-2016: Egbert van der Weide > 'Bloemechies buut’n'.
Zölf vun ik ’t wel weer ies tied wörden  veur een stukkie in ’t Drèènts. Vergangen weke vreug me’j iene hoe of ’t er in de tuune be’j stun, ik skreef d’r jao nooit meer oaver? Ien en ien is twei: dit is ’n stukkie oaver de tuune, in ’t plat. ’t Is ’t er ok wal weer veur. Vandage heb ik ’t grös d’r of reed’n. Of beter: oonze jongste zeune hef dat edaone.

We’j hebt sinds veurig jaor de mijmesjiene van mien schoonva. ‘t Ding löp merakel best. ’t Giet allènnig wat zwaor. Umdat mij d’aarms zeer doet en de haand’n niet meer wilt, is ’t me’j liever dat ’n aander zukke zwaore karweichies döt. ’t Is een flinken kèrel, die jongste, en de haand’n staot  um niet verkeerd. He’j wol wal wat doon veur zien va.

In drei kwetier har e ’t grös d’r of. Ik huu’m allènt de raandties nog be’j te knipp’n. D’r stun ok nog aordig wat roet, dat hè’k ’t er ok maor uuttrökk’n. ’t Lig ‘r weer netties be’j, zo veur de zundag. D’r bluit van alles, en d’iemn vleug’n of en an op de paorse crocussies. Twei gieteling’n waren drok met heur nessie, ze vleug’n gedurig met stukkies draod en mos hin en weer.

’t Achterste stuk tuune kön ik nog niet doon, daor mut nog ’t ien en aander gebeur’n. He’j de neie mure al zeen? ’t Zal wel, ie bint er neischierig genog veur… Mooi op de zunne, d’r kömp een straotie veur te ligg’n waor a’j könt zitten broen wörd’n. A’j daor de tied en ’t wèèr veur hebt. An stoeplegg’n waog ik me’j niet, we’j hebt een besten tuunman veur zök soort wark.

He’j hef me’j veurig jaor ’t grös opeknapt en dit jaor mag e achter raozen. As dat klaor is, kan ik zölf weer wieder: slaot zei’n, de bessestruuk’n knipp’m  (ik heb zwarte bess’n, rooie, kruusdoorns en eimerties), de karseboom en de zuute-appel boom sneuien. En de hanepoot’n uuttrekk’n. Daor köj seins een dagtaak an hebb’n. ’t Holt me’j van de straote, mu’j maor dènk’n.

Al met al heb ik de bloemechies aordig buut’n staon. En dan is ’t nog maor meert!

 

EH van der Weide